1# Kisi bhi Post ko Save kare
Aap kisi bhi post ko save kar sakte hain fb par. Suppose aapko kisi ki post ki gayi photo or video/Quote bahut pasand aa gaya hai aur aap use save karna chahte hain to aap apne account me save kar sakte hain.
Save karne ke liye Post ke right side Down ∨ Arrow mark par click kare and Save link/Save post/Save Video option par click kare
Aap saved ki gayi post ko apne home page par Saved option par dekh sakte hain.
2# Apni Photo Album Download Kare
Photo Album Download karne ki feature Fb par just abhi launch hui hai. Ab aap apne upload kiye gaye photos ki Album ko single click me Download kar sakte hain.
Suppose aapko apna account delete karna hai aur photos ka backup lena hai to aap Download feature ka use kar sakte hain.
Apni Photo Album Download karne ke liye apni Album ko open kare aur Right-side me Setting icon par click kare, yaha aapko “Download Album” option show karega. Us par click kare and download kare.
3# Apna Sara Facebook Data Download kare
Suppose aapko apna account delete karna hai aur aap us se pahle apni sabhi posts, Messages & chats, shared photos and more – sabhi items ko download karna chahte hain to iska option bhi hai aapke paas.
Facebook par aap apni full Data ki Archive file download kar sakte hain.
Download karne ke liye “Settings” par click kare. Yaha “General” tab par click karke sabse neeche ” Download a copy of your facebook data” par click kare.
4# Apni Full Activity Details Dekhe
Apna Fb account start karne se lekar ab tak aapne facebook par kya-kya kiya hai iski sari information server par save hoti hai.
Aap apni full activity details – aapki posts, aapko tag ki gayi post, aapki comments, aapki likes, aapne kya search kiya hai, kise follow kiya A to Z details aap dekh sakte hain.
Apni Activity Details dekhne ke liye Setting par Activity Log par click kare.
5# Timeline Review
Aapka koi friend aapki timeline par suppose koi aisi image post kar de jo aapko pasand na aaye, ya fir kuch aisa post kare jis se aapko hurt ho – aisi condition me aap Timeline review feature use kar sakte hain.
Timeline review enable karne par aapka friend jab bhi aapki timeline par kuch post karega to wo direct post nahi hogi, pahle aap uska review karenge aur jab aap us post ko approve karenge tabhi wo aapki timeline me show karegi.
Timeline review enable karne ke liye Setting me jakar “Timeline and tagging” tab par click kare. yaha “How can i manage tag…” par Review tags people add..” par edit karke Enable kare.
6# Remotely Logout kare
ohh! shit – main apne friend ke ghar gaya tha aur uske PC par maine apna facebook account open kiya tha, but-but main Logout karna bhool gaya. Ab kya karu?
Don’t worry, is se pahle aapka friend aapki Profile access kare, jaldi se apna FB account open kare.
Yaha Setting par click kare and “Security” tab par click kare. Yaha aapko “where you’re logged in” me EDIT par click karna hai.
Is option me aap jis PC/Device se login kiye hai uski details available rahti hain. Yaha apne friend ki Device dekhe and “End Activity” par click kare. That’s it aap Logout ho gaye hain.
7# Trusted contacts se apna Account recover kare
Apna login password bhool gaye, ya fir fb par login karne me problem aa rahi hai. Yaha aap trusted contacts ki help le sakte hain.
Facebook par trusted contacts feature se aap apni friend list me se trusted friend ko select karke unhe “Trusted contact” me add kar sakte hain.
Jab bhi aapko account me login ki problem hogi, aap in trusted contact ko call kare. Wo aapko 3 digit ka code provide karenge jis se aap apne account me login kar sakte hain.
Is feature ko enable karne ke liye Setting me Security tab par ‘Trusted contacts’ par click kare. Yahan apne friends ko select kare and trusted list me add kare.
8# Apne Facebook Page par Country block kare
Kya aap apne FB page ko kisi special country ko hi show karna chahte hai ya fir aap nahi chahte ki koi ek country aapka page na dekh paye?
Suppose aapko kewal india ke hi users ko apna Page show karna hai, aisi condition me “Country Restrictions” feature aapke kaam aa sakti hai.
Country restriction feature enable karne ke liye apna Page open kare Setting par jaye aur Generaltab par ‘Country Restriction‘ par click kare.
9# Apne Page par Abusive Words ko Block kare
Kuch aise wrong words ki comments/post agar aap apne page par nahi dekhna chahte jinko users comments me use karte hai, to aap un words ki comments ko Block kar sakte hain.
Aise words ko block karne ke liye apne page ki Settings me jakar “page Moderation” par click kare. yaha wo words comma use karke enter kare and save it.
10# Apne Page se Automatic reply message send kare
Kisi user ne aapke page par message ke through koi query sent ki hai to aap instant auto-reply feature se automatic reply send kar sakte hain.
Auto-reply message aap set kar sakte hain. Jab bhi aapke page par koi message karega usko yah auto-reply message receive hoga.
Instant reply feature enable karne ke liye apne page ki Setting me click kare aur “Messaging” par click kare. Yaha ‘Send Instant Replies to anyone who messages your Page’ par YES kare.
11# Apni Post ko Schedule kare
Aap 24/7 to apne page ko manage nahi kar sakte. Kai bar aisa time bhi aata hai jab aapko FB use karne ka time hi nahi milta.
Aisi condition me apne facebook page ko updated rakhne ke liye aap Posts ko Schedule par rakh sakte hain.
Schedule par post rakhne se aapke available na hone par post set kiye gaye time par automatically publish ho jati hai.
Post schedule karne ke liye just Post content enter kare aur Publish button ke side me Down-arrow par click karke Schedule par click kare. Time set kare and Publish kar de.
12# Live Video Broadcast kare
Ab aap facebook par live video broadcast kar sakte hain. Yah new feature bhi just abhi launch hui hai.
Video broadcast karne ke liye aapko Apne Page par Publishing Tools par jana hai. Yaha “Videos” par click kare. Now click on +Live button.
Live broadcasting karne ke liye aapko streaming software install karna hoga. Iski detailed post main jald aapke sath share karunga.
13# Apne Page ko Promote karke Likes Paye
Page ki Likes ko increase karne ke liye aap Facebook par apne page ki Ad banakar promote kar sakte hain.
Yah ek premium service hai aapko iske paise pay karne honge. Per day ke according apna budget select karke aap budget ke according likes receive kar sakte hain.
Apne page ki AD create karne ke liye apne page ke home page par visit kare, waha aapko “Promote page” ka option show karega. Us par click karke ad create kare and Paypal/Debit card se pay kare.
Ad approve kuch minutes me ho jayegi aur aapka page promote ho jayega.
14# Apne Page par offers add karke paisa kamaye
Yah meri favourite feature hai. Aapke page par Offers add karne ka option agar availbale hai to aap apni Affiliate products ki offers yaha promote kar sakte hain aur money generate kar sakte hain.
Is feature ke liye aapke page par jyada likes hona jaruri hai. Yah feature aap apne page ke post area me dekh sakte hain.
15# Apne Page par Store create kare
Facebook par apni Products sale karna chahte hain? Ji ha ab aap apne FB page Store create kar sakte hain.
Shop section me aap apni products add kar sakte hain, uski price set kar sakte hain, payment currency select kar sakte hain.
helpzinhindi 